Акматова: "Коронавирус жукса өз алдынча дарыланууга болбойт"

Коронавирус илдети жугуп калса, өз алдынча дарыланууга болбойт. Бул тууралуу Республикалык штабка шилтеме берип "Барометр" билдирет.

Коронавируска кабылгандарда тамака болгон табит жоголот. Ага карабастан суюктукту көп ичип, тамак аш, жер-жемиш, жашылчадан жасалган салаттар менен тамактануу керек.

Жүрөк оорусу барлар бир күндө 2 литрден кем эмес суу ичүүсү абзел.

“Дене табы 37,5 - 38 градуска чейин көтөрүлсө, сөзсүз 118 колл-борборуна чалып кеңеш алып, үй-бүлөлүк медицина борборлоруна кайрылыңыздар. Дарыгерлердин жазып берген гана рецепттери менен дарыланууга чакырам. Эч качан үйдөн өз алдынча антибиотик каражаттарын, "Дексаметазон" даарысын колдонбоңуздар жана дүрбөлөңгө алдырбаңыздар”, - деп билдирди Саламаттык сактоо башкармалыгынын жетекчиси Айнура Акматова.

Белгилей кетсек, Кыргызстан боюнча коронавируска чалдыккан бейтаптар Республика боюнча жалпы 8 847учурга жетти.