Коронавирус илдети 2,5 миллиондон ашык кишиге жукту

 Дүйнө жүзү боюнча коронавирустан каза тапкандардын саны 177 199га жетти. Ал эми оору 2 миллион 564 миң 323 кишиге жукту. 679 755 киши оорудан айыгып, үйүнө чыгарылды.

Мурдагылай эле, оору жугуп, андан каза болгондордун саны боюнча АКШ биринчи орунда. 824 438 киши ооруга чалдыгып, 45 039 киши каза болду. Ал эми Испанияда 204 178 кишиге оору жугуп, 21 282 киши оорудан көз жумду. Үчтүктү Италия толуктайт. Оор 182 957 кшииге жугуп, 24 648 киши оорудан өмүрү менен кош айтышты.

Ошондой эле, абал Франция, Германия, Улуу Британия, Түркия, Иран жана Кытайда оор бойдон. Аталган мамлекеттерде Германиядан башкасында оорудан каза болгондор өсүп жатат.