Коронавирус 210 миңден ашык кишинин өмүрүн алды

Дүйнө жүзү боюнча коронавирустан 210 258 киши каза болду. Ал эми оору жуктургандардын саны 3 миллиондон ашты. Ошол эле маалда оорудан 884 676 киши сакайды.

Соңку маалыматтар боюнча илдеттин жугушу жана андан каза болгондордун саны боюнча АКШ мурдагыдай эле биринчи орунда. 987 467 кишиге коронавирус жугуп, 56 164 киши анын курмандыгы болду. Оору жуккандардын саны боюнча экинчи орунда Испания турат. 236 199 кишиден коронавирус табылып, 23 521 киши каза болду. Үчүнчү орунда Италия, 199 414 кишиге оору жугуп, 26 977 киши о дүйнө салды.

Европадагы Франция, Улуу Британия, Германия андан сырткары Түркия менен Иранда дагы абал курч. Аталган мамлекеттерде оору жуктургандардын саны күн санап өсүүдө. Аны менен катар каза болгондор дагы артууда.