Корея жана Япониядан Кыргызстандын жарандары келди

14-майда Бишкек шаарына Япониядан жана Кореядан Кыргызстандын 43 жараны кайтып келди. Бул тууралуу республикалык штабдан кабарлашты.

Ага ылайык, бул маселе президенттин тапшырмасын аткаруу боюнча дүйнө жүзүндөгү коронавирус инфекциясынын жайылышынан улам эл аралык авиабилдирүүлөрдүн токтогондуктан  чет мамлекеттерден Кыргызстандын жарандарын кайтаруу боюнча жүргүзүлүп жаткан иштердин алкагында иштелип чыкты.

Азыркы учурда келгендердин бардыгы белгиленген тартипте өлкөнүн медициналык мекемелеринин бирине обсервацияга жайгаштырылды. Чет мамлекеттерде жүргөн мекендештерди мүмкүн болушунча Кыргызстанга кайтарып алуу маршруттарын издөө боюнча иштер улантылууда.