Кочкордо эки унаа сүзүшүп, алты адам жаракат алышты

Кочкордо жол кырсыктан алты адам жабыркады. Бул тууралуу ӨКМдин басма сөз кызматына таянып "Барометр" билдирет.

Кечээ, 12-ноябрда Кочкор районунда саат 23:22 чамасында Бишкек-Нарын-Торугарт жолунун 210-чакырымында “Хонда HR-V” жана “Гольф 3” үлгүсүндөгү унаалары сүзүшкөн.

Кырсыктын кесепетинен 6 эркек киши жабыркаган (1999-жылы туулган, 1999-жылы туулган, 1999-жылы туулган, 1983-жылы туулган, 1983-жылы туулган, 1984-жылы туулган). 

КР ӨКМнин №42 ӨКБ куткаруучулар жабыркаган жарандарды унаадан чыгарып, тез жардам кызматкерлерине өткөрүп беришкен.