Киевде узундугу 129 метр болгон шаурма жасалды (видео)

Өткөн ишемби күнү, 9-октябрда Украинаны борбор калаасы Киевде дүйнөдөгү эң чоң шаурма жасалды. Бул тууралуу ТСН булагына таянуу менен “Барометр” билдирет.

Дүйнөлүк рекорд Контрактовая аянтында коюлду. Гигант шаурманын узундугу 129 метр 4 сантиметрге жетти, салмагы 200 килограммдан ашты. Аны ченеп чыгыш үчүн атайын рулетка керек болду.

Шаурманы жасаш үчүн 120 ашпозчу иштеди. Рекорд катталгандан кийин даамды келген конокторго таратып беришти.