Катар менен Кувейт мамлекетинен Кыргызстандын 107 жараны келди

Эль-Кувейт – Доха – Бишкек багыты боюнча Jazeera Airways авиакомпаниянын учагы Кыргызстандын 107 жараны келди. Бул тууралуу республикалык штабдан кабарлашты.

Маалыматка ылайык, бул каттам менен Казакстандын 31 жараны дагы учуп келген. Аларды казак тарап аэропорттон тосуп алып, атайын транспорт менен алып кеткен.

“Келген бардык жарандар обсервацияга алынып, керектүү медициналык кароодон өтүп жатышат”, — деп айтылат маалыматта.

Кыргызстандын чет мамлекеттердеги жарандарын алып келүү маселеси уланууда.