Карантин аяктаганга чейин кайсы мекемелер ачылбайт. Тизме

Республикалык штаб карантин аяктаганга чейин ачылбай турган мекеме-ишканалардын тизмесин жарыялады.

Белгилей кетсек, Кыргызстанда өзгөчө абал апрель айынын аягына чейин узартылды. Тийиштүү жарлыкка президент кол койду. Андан сырткары Нарын шаары менен Ат-Башы районуна дагы өзгөчө абал киргизилип, коменданттык саат режими иштейт.

Карантин аяктаганга чейин иштебей турган мекемелердин тизмеси:

- балдар бакчалары жана кошумча билим алуу боюнча ар кандай секциялар;

- мектептер, ЖОЖдор, орто окуу жайлары, колледждер, кесиптик окуу жайлар ишин дистанттык режимде улантат;

- оюн-зоок мекемелери, соода-сатык борборлору, дүкөндөр, ири базарлар, барлар, түнкү жана оюн клубдары, театрлар, музейлер жана кинотеатрлар.

Ал эми азык-түлүк дүкөндөрү жана жашоого керектүү товарлар сатылган базарлар, дарыканалар өз ишин уланта берет.