Кара-Көлдө эки унаа сүзүшүп, бир адам жабыркады

Кара-Көлдө, Бишкек-Ош унаа жолунун 415-чакырымында жол кырсыгынан бир адам жабыркады. Бул тууралуу ӨКМдин басма сөз кызматына таянып "Барометр" билдирет. 

Кечээ, 24-ноябрда Кара-Көл шаарында саат 09:48де Бишкек-Ош унаа жолунун 415-чакырымында (Аюу-Булак тилкеси) “Мерседес-Бенц” жана DAF үлгүсүндөгү унаалар сүзүшкөн.

Кырсыктын кесепетинен 1 эркек киши (1951-жылы туулган) жабыркаган. 

КР ӨКМнин № 94 өрткө каршы куткаруу бөлүгүнүн куткаруучулары жабыркаган адамды унаадан чыгарып, тез жардам кызматкерлерине өткөрүп беришкен.