Кадамжайда болгон кырсыктан 26 жаштагы айдоочу каза тапты

Ош-Баткен-Исфана унаа жолунун 112-чакырымында жол кырсыгы болду. Бул тууралуу Өзгөчө кырдаалдар министрлигинен кабарлашканын “Барометр” маалымдайт.

Аталган кабарга таянсак, Баткен областынын Кадамжай районунда «Хонда Стэпвагон» унаасынын айдоочусу рулду башкара албай калып «КамАЗ» унаасынын алдына кирип кеткен.

Кырсыктан  1995-жылы туулган “Хонда” унаасынын айдоочусу Б. А. көз жумду.

Кырсык болгон жерде 5 куткаруучу иштеп, айдоочунун сөөгүн унаадан чыгарышып, тез жардам кызматкерлерине өткөрүп беришти.