Испанияда жанар тоонун лавасы 300 үйдү каптап кетти

Испаниянын бийлиги жанар тоонун атылышынан улам Ла-Пальма аралындагы Эль-Пасо муниципалитетинин бир бөлүгүнүн калкы эвакуациялана турганын жарыялады.Бул тууралуу Reuters булагына шилтеме кылуу менен “Барометр” маалымдайт.

Аралдагы 8 миңдей калктын 6 миңи жекшемби күнү жанар тоо атыла баштаган кезде өз үйлөрүн таштап кетишти.

Бийлик төрт айылды эвакуациялап, анын жашоочуларына убактылуу баш калкалоочу жай берди. 21-сентябрга карата жанар тоонун лавасы 103 гектарды жана 300 үйдү каптап калды.

Испаниянын премьер-министр Педро Санчес бул кырсыктан улам Нью-Йоркто боло турган БУУнун жыйынына барбай калды.

Эскерте кетсек, жанар тоонун атылышына 4,2 баллга жеткен жер титирөө себеп болгон.