Индонезияда мектеп окуучуларын ташыган автобус жардан кулап, 27 адам каза болду

Индонезияда мектеп окуучуларын ташыган автобус жардан кулап кеткен. Кеминде 27 адам каза болгон. Бул тууралуу DW агенттиги жазган маалыматка шилтеме берүү менен “Барометр” билдирет.

Маалым болгондой, каргашалуу окуя Ява аралында 11-мартка караган түнү болгон. Автобуста экскурсиядан келе жаткан мектеп окуучулары жана алардын ата-энелери бара жатышкан, салондо 66 адам болгон. 

Алдын ала маалыматта, айдоочу рулду башкара албай калганы айтылат. Кырсыктын кесепетинен, 27ден ашуун адам каза болгон.

Жабырлануучулар жакынкы ооруканага жеткирилген. Курман болгондордун жашы жөнүндө азырынча маалымат жок, окуучулар ислам мектебинде окугандыгы кабарланды.