ИИМ: Түнкүсүн чыр-чатак катталган жок

Кыргызстан менен Тажикстандын күч органдарынын кызматкерлери, ошондой эле жергиликтүү башкаруу органдарынын өкүлдөрү чек ара аймактарынын тургундарына түшүндүрүү иштерин жүргүзүп жатат. Бул тууралуу бүгүн, 16-мартта Ички иштер министрлигинин басма сөз кызматы кабарлады. 

Учурда  эки өлкөнүн күнү-түнү күзөтүүчү патрулдук топтору чатак болгон аймакта иш алып барууда. 16-мартка караган түнү эч кандай мыйзам бузуу катталган жок.

Мындан тышкары министр милиция кызматкерлерине  тиешелүү эс алуу жана тамак-аш уюштуруу шарттарына көңүл буруу тапшырмасын берди.