Германиядан Бишкекке Кыргызстандын 59 жараны кайтты

Германиянын Франкфурт-на-Майне шаарынан Бишкекке Кыргызстандын 59 жараны кайтты. Бул тууралуу республикалык штабдан кабарлашты.

Кыргызстандыктар Condor Airlines немистердин авиакомпаниясынын чартердик каттамы менен учуп келишти. Бул каттам Sea Chefs круиздик лайнерде иштеген 48 КР жаранын, ошондой эле буга чейин авиабилет сатып алган Германиядагы 11 кыргызстандыкты мекенине кайтаруу максатында TUI CRUISES компаниясы тарабынан уюштурулган.

Азыркы учурда бардык келген жарандар бекитилген тартипте обсервацияга көзөмөлгө жайгаштырылды.

Дүйнө жүзүндө коронавирусунун пандемиясынан улам жүргүнчү ташыган эл аралык каттамдардын токтошуна байланыштуу чет мамлекеттердеги мекендештерди кайтаруу боюнча президенттин тапшырмасын аткаруунун алкагында жүргүзүлгөн иш улантылууда.

Буга чейин Араб мамлекеттеринен кыргыззстандыктар кайтып келген.