Эртең Бишкектин бир катар райондорунда таза суу өчүрүлөт

Эртең Бишкектин бир катар райондорунда таза суу өчүрүлөт. Бул тууралуу мэриянын басма сөз кызматынан кабарлашканын “Барометр” маалымдайт.    

Аталган кабарга таянсак, сууну өчүрүүнүн себеби- «Киркомстром» суу курулмасы менен шаардын суу өткөрүүчү түйүндөрүндө оңдоочу-профилактикалык иштердин жүрүп жатканына байланыштуу болууда.

Таза суу 18-ноябрда саат 9.00дөн 18.00гө чейин Абаканская, Волкова, Садыгалиев көчөлөрүндө, Дэн Сяопин проспектиси менен темир жол линиясынын аймагында берилбейт.  

Бишкектин мэриясы келтирилген ыңгайсыздыктар үчүн шаардыктардан кечирим сурайт жана таза суу камдап алууну өтүнөт.