Египетте туристтер мейманканага курттарга каршы себилген химикатка ууланып каза болгон

Египетте беш жылдыздуу мейманканада түнөгөндөн кийин эки турист ууланып каза болду. Бул тууралуу The Independent басылмасына шилтеме берүү менен “Барометр” билдирет.

Жубайлар кошуна бөлмөнү курттардан дарылоо үчүн колдонулган химиялык заттарга ууланган.

Каргашалуу окуя 2018-жылы болгон, бирок жубайлардын өлүмүнүн себеби беш жылдан кийин гана белгилүү болду.

Британиялык жубайлар Жон менен Сюзан Купер Хургададагы беш жылдыздуу мейманканага эс алганы келишкен. Алар менен бирге кызы жана үч небереси да болгон. Неберелеринин бири жубайлардын бөлмөсүндө жаткан. Бирок биринчи түнү эле 12 жаштагы кыз өзүн жаман сезип, апасына башка бөлмөгө кеткен.

Эртең менен жубайлар таңкы тамакка түшпөгөндүктөн, тынчсызданган кызы алардын бөлмөсүнө чыгып, апасы төшөктө онтоп жатканын, атасы болсо катуу муунуп жатканына күбө болгон.

Натыйжада, Жон бөлмөдө каза болуп, аялы ооруканага жеткирилип, бир нече сааттан кийин каза болгон.

Алгач, дарыгерлер туристтер курч ичеги инфекциясынан улам каза болгон деген тыянак чыгарышкан.

Бирок, жакындарын эки нерсе бушайман кылган – ошол күнү бөлмөдөгү абанын жагымсыз оор жыты жана атайын костюмдарды кийип жүргөн үч киши химиялык заттар салынган идишти көтөрүп бара жатканын көргөн күбөлөрдүн көрсөтмөлөрү чаташтырышты.

Кийинчерээк, белгилүү болгондой, кошуна бөлмөнүн жашоочулары буга чейин төшөгүндө көп сандаган курттар жүргөнү тууралуу арызданышкан. 
Аларга башка бөлмө берилип, ал бөлмө курт-кумурскаларга каршы пестициддер менен дарыланган.

Мейманкана ачык бойдон калууда, бирок окуя дагы деле иликтенүүдө.