Египет Газадагы качкындардын коопсуз жактарга чыгып кетүүсүнө коридор ачуудан баш тартты

Египет Газа тилкесиндеги качкындардын коопсуз жактарга чыгып кетүүсү үчүн коридор ачып берүүдөн баш тартты. Бул тууралуу Jerusalem Post басылмасына шилтеме берүү менен “Барометр” билдирет.

Египеттин тышкы иштер министри Самех Шукри Каир гуманитардык жардам, азык-түлүк жана дары-дармектердин өтүшү үчүн Рафах өткөөлүн ачууга аракет кылганын, бирок туруксуздук жана чыр-чатактын күчөшү кыйынчылыкка алып келгенин белгиледи. Ал ошондой эле, коопсуз аймактарга, анын ичинде Европага чыгып кетүүнү көздөгөн качкындардын санын көбөйтүп жатканын белгиледи.

"Египет АКШ жана башка өлкөлөр менен чек ара аркылуу Газа тилкесине гуманитардык жардам жеткирүү пландарын талкуулады, бирок качкындар үчүн коопсуз коридорлорду түзүү боюнча кандайдыр бир кадамдарды кароодон баш тартып жатат", - деди атын атагысы келбеген Египеттин коопсуздук булагы.

Израил менен палестиналыктардын ортомчусу болгон Каир ар дайым эки тарап тең чыр-чатакты өз чек араларында чечүүсүн талап кылып, тынчтык жолу менен сүйлөшүү палестиналыктар мамлекеттүүлүк укугун камсыздай ала турган жалгыз жол экенин айтып келет.