Добушуңду сатпа! Эртең урпактарыбыз саткын десе кантебиз? (видео)

Соц тармакка жарыяланган добушуңду сатпа аталышындагы видео роликти көпчүлүк кызуу колдошту. Бул тууралуу тасманын жаратуучуларынын өздүк баракчасына жарыяланган маалыматка таянып “Барометр” билдирет.

Видео тасма шайлоо алдындагы үгүт иштери учурунда добушун саткан жарандарга сабак болсун деген максатта тартылган.

“ Сатып алган буюмун ар бир адам каалаганча пайдаланат. Бирок сен буюм саткан жоксуң. Сен элди, жерди, намысыңды саттың. Эртең урпактарыбыз сени саткын десе да жарашат. Аз убакыттын ичинде сени алдап добушуңду сатып алса, эртең ошол берген акчасын миллиондоп чыгарып алышат. Добушуңду сатып жибергенден кийин четте карап туруп алып, булар иштеген жок, буларды кетириш керек, жердин баарын сатып бүтүштү деп наалыйсың. Ошонун башатын сен баштап жатасың”, -деген оюн билдиришти.