Тоңдо эки унаа сүзүшүп үч адам каза болуп, дагы үчөө жаракат алды

Тоңдогу катталган жол кырсыгынан 3 адам каза болуп, 3 адам жаракат алды. Бул тууралуу ӨКМдин басма сөз кызматына таянып "Барометр" билдирет.

Кечээ, Тоң районунда саат 10:00 чамасында Балыкчы-Кочкор унаа жолунун 4-чакырымында “Фолксваген-Пассат” унаасы менен Шахман оор жүк ташуучу унаасынын катышуусунда жол кырсыгы катталды.

Кырсыктын кесепетинен 3 адам (2 эркек: 1974-жылы туулган, 2008- жылы туулган, 1 аял: 1978-жылы туулган) каза болуп, 3 адам (1 кыз: 2012-жылы туулган, 2 эркек бала: 2004- жылы туулган, 2006-жылы туулган) жабыркады.

Жерине ӨКМдин Балыкчы шаардык №19 ӨКБдан 4 куткаруучу, тез жардам кызматкерлери, ИИМ кызматкерлери тартылды.

Куткаруучулар жерине барып, каза болгон адамдарды унаадан чыгарышып, тез жардам кызматкерлерине өткөрүп беришти. Жабыркагандар тез жардам кызматы тарабынан шаардык ооруканага жеткирилди.