Дүкөнгө чыгып кеткен боюнча дайынсыз жоголгон Азиза Темирбек кызы изделүүдө

1999-жылы туулган Темирбек кызы Азиза изделип жатат. Бул тууралуу Биринчи май райондук ички иштер башкармалыгынан кабарлашканын “Барометр” маалымдайт.

Аталган кабарга таянсак, кыз 14-сентябрда жоголгон.

Апасынын айтымында, болжол менен күндүзгү саат экилерде Азиза «Башмачок» дүкөнүнө чыгып кетип, ошол боюнча байланышпай калган.

Учурда кыз боюнча маалымат Бишкек жана Чүй областынын баардык милиция бөлүмдөрүнө таратылды. Укук коргоочулар Азизаны издеп жатышат.