Дүйнө жүзү боюнча коронавирус илдети дээрлик 4,9 миллион кишиге жукту

Жер шарында коронавирус 4 миллион 896 миң 934 кишиге жугуп, 323 235 киши каза болуп, 1,8 миллиондон ашык киши оорудан сакайды.

Оору жуккандардын саны боюнча биринчи орунда АКШ турат. 1,5 миллиондон ашык кишиге илдет жугуп, 91 872 киши каза болду. Экинчи орунда Россия турат, 300 миң кишиден коронавирус табылып, 2 837 киши өлдү.

Андан сырткары Бразилия, Улуу Британия, Испания, Италия, Франция, Германия, Түркия, Иран жана Кытайда абал оор бойдон сакталууда. Аталган мамлекеттерде оору жүз миңден ашык кишиге жугуп, о дүйнө салгандардын саны миңден ашат.