Дүйнө боюнча коронавирус 3,1 миллиондон ашык кишиге жукту

Жер шарында коронавирус 3,1 миллиондон ашык кишиге жугуп, 227 638 кишинин өмүрүн алды. Ошол эле маалда 972 584 киши оорудан айыкты.

Илдеттин жугушу жана андан каза болгондордун саны боюнча АКШ дагы деле алдыда. 1 миллион 39 миң 909 кишиден оору табылып, 60 967 киши каза болду. Испанияда 236 899 кишиге оору жугуп, 24 275 киши өмүрү менен кош айтышты. Италияда 203 591 кишиден оору табылып, 27 682 киши өлдү.

Франция, Улуу Британия, Түркия, Германия, Иран жана Кытайда абал оор. Күн сайын оору жугузгандардын саны артып, андан көз жумгандар дагы көбөйүп жатат.