Жогорку Кеңештин VI чакырылышынын депутаттары президентке импичмент жарыялоону талкуулашты

Бүгүн, 7-октябрда кечинде Жогорку Кеңештин VI чакырылышынын депутаттары чогулуп, өлкөдөгү  кырдаалды талкуулап жатышат. Алар президент Сооронбай Жээнбековго импичмент жарыялоо маселесин талкуулап, жаңы премьер-министрди жана, балким, парламенттин спикерин шайлоону карашты.

Белгиленген убакка төмөнкү депутаттар чогулушту:

1. Мыктыбек Абдылдаев 6-октябрда “Достук” мейманканасында Жогорку Кеңештин кезексиз жыйынында төрага болуп дайындалган;

2. Эльвира Сурабалдиева;

3. Асель Кодуранова;

4. Абдывахап Нурбаев;

5. Бахадыр Сулейманов;

6. Дастан Бекешев;

7. Максат Сабиров;

8. Эмиль Токтошев;

9. Кенжебек Бокоев;

10. Каныбек Иманалиев;

11. Мирлан Жеенчороев;

12. Наталья Никитенко;

13. Альфия Самигуллина;

14. Руслан Казакбаев;

15. Анвар Артыков;

16. Садык Шер-Нияз;

17. Рада Туманбаева;

18. Айнура Осмонова;

19. Тынчтык Конушбаев жана бир нече депутаттар чогулушту.

Эске сала кетсек, Кыргызстанда 5-октябрда шайлоонун жыйынтыгына нааразы болгон партиялардын тарапкерлери митингке чыгышкан. Мөөнөтсүз митинг баш аламандык менен коштолуп, 6-октябрда митингчилер парламент менен президент олтурган имаратты, УКМКны басып алышкан. Бир топ саясатчылар абактан бошотулган. 6-октябрь күнү кечинде Жогорку Кеңештеги коалициянын кезексиз жыйынында Садыр Жапаровдун талапкерлигин бекитишкен.