Дайынсыз жоголгон Ысык-Көлдүн тургуну изделүүдө

Дайынсыз жоголгон Ысык-Көлдүн тургуну изделүудө. Бул тууралуу ИИМдин басма сөз кызматына таянып "Барометр" билдирди.

ИИМдин Криминалдык милиция кызматынын кызматкерлери тарабынан дайынсыз жоголгон кыргыз жараны 1990-жылы туулган Жумабек уулу Кайраттын кайда жүргөндүгүн аныктоо боюнча иштер жүрүп жатат. Ал 2020-жылдын 4-сентябрь күнү болжол менен саат 20:00 чамасында Ысык-көл районунун Сары-Ой айылындагы үйүнөн “Тайота-Камри” үлгүсүндөгү күмүш түстөгү автоунаасын айдап чыгып кеткен бойдон кайтып келген эмес.

Белгилери: бою 165-170 см, чачы 4-5 см, көзү күрөң, кыска сакалы бар.
Дайынсыз жоголгон жарандын кайда жүргөндүгүн билгендер болсо төмөнкү телефон номурлары аркылуу маалымдап коюңуздарды суранабыз: 0551 040202, 0707 040202, 0555 347994 же ИИМдин КМКнын нөөмөт бөлүгүнүн номуру 0312 266261.