Дайынсыз жоголгон Сапарбек Абдышев изделип жатат

Аламүдүн райондук ички иштер бөлүмү 1959-жылы туулган Абдышев Сапарбек Бакишовичти издеп жатат. Бул тууралуу Чүй областтык ички иштер башкармалыгынын басма сөз кызматына таянуу менен “Барометр” маалымдайт.

Ал 2021-жылы 18-сентябрда Байтик айылындагы үйдөн чыгып кеткен боюнча кайрылып келген эмес.

Белгилери: бою болжол менен 170 см, дене түзүлүшү орто. Чачы жок, бети тегерек, ооздору ичке, көздөрү кара.  

Кыска жеңдүү ак көйнөк, кара спорттук шым, ак кеда кийип жүргөн. 

Аппендициттен кийинки тагы жана билегинде (=S=) деген татуировкасы бар.

Милиция аталган жаран тууралуу кандайдыр бир маалымат билгендер болсо 0(312) 36-35-23, 0(504) 77-22-77, 0(550) 34-33-63 номерлерине байланышууну өтүнүштү.