Чычкан капчыгайында күйүүчү май ташыган унаа күйүп кетти (Видео)

Бүгүн, 12-августта Жалал-Абад облусунун Токтогул районда күйүүчү май ташыган унаадан өрт чыкты. Бул тууралуу ӨКМдин басма сөз кызматына таянып "Барометр" билдирет.

Алдын ала маалымат боюнча, Бишкек-Ош унаа жолунун 239-чакырымында (Чычкан капчыгайы) күйүүчү май ташыган оор жүк ташуучу унаанын прицеп-цистернасынан өрт чыккандыгы тууралуу маалымат түшкөн. 

"Өрттү өчүрүүгө саат 12:19да Токтогул райондук №97 Өрт-куткаруу бөлүмүнөн 1 бөлүм тартылган. Өрт ачык аянтта куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан 9 кызматкер  тартылды", - деп айтылат маалыматта.

Унаалардын өтүүсү ЖКККББ тарабынан көзөмөлдөнүүдө. Кошумча маалымат берилет.