Чычканда Жигули жана фура сүзүшүп 2 адам каза болду

Чычкан капчыгайда эки унаа сүзүшүп, 2 адам каза болду. Бул тууралуу ӨКМдин басма сөз кызматына таянып "Барометр" билдирет.

Жалал-Абад облусунун Токтогул районунда, Бишкек-Ош унаа жолунун 262-чакырымында (Чычкан капчыгайы) Жигули жана Фура үлгүсүндөгү унааларынын катышуусунда жол кырсыгы катталган.

“Кырсыктын кесепетинен 1 аял киши (1956-ж.т.) жаракат алып, 2 эркек киши каза болду”, - деп айтылат маалыматта.

Жабырлануучу тез жардам кызматы менен ооруканага жеткирилди. Каза болгондордун сөөгү ИИМ кызматкерлерине өткөрүлүп берилди.