Чубак ажы менен коштошуу зыйнаты Базар-Коргондо өтөт

Чубак ажынын сөөгү бүгүн кичи мекени болгон Базар-Коргон районуна коюлат. Бул тууралуу Кыргызстан мусулмандар дин башкармалыгына шилтеме берип “Барометр” билдирет.

Маалыматка ылайык, аалымдын сөөгү Бишкектен Базар-Коргон районуна алынып кетти. 

Аалым менен коштошуу зыйнаты бүгүн Базар-Коргон районунун Бай-Мундуз айылында өтөт.

"Чубак ажынын тажыясы өз айылында өтөт. Жаназасы бүгүн саат 16.00-17.00дун аралыгына белгиленди", — деп айтылат маалыматта.

Эскерте кетсек, белгилүү диний аалым Чубак ажы Жалилов Улуттук госпиталда жан берди. Дарыгерлердин айтымы боюнча ал пневмонияга кабылып, ооруканага кайрылган.