Чоң-Кемин дарясына авто унаа кулап 2 адам көз жумду

Чүй облусунун Кемин районунда Чоң-Кемин дарыясына жүк ташуучу унаа кулап кетип, жыйынтыгында 2 адам каза болгон. Бул тууралуу бүгүн, 22-ноябрда ӨКМнин маалымат кызматы билдирди.

Маалыматка ылайык, ГАЗ-53 үлгүсүндөгү жүк ташуучу унаанын айдоочусу башкарууну жоготуп жолдон чыгып кеткен. Жыйынтыгында унаа дарыяга кулап анын ичиндеги 2 жаран көз жумган.

Алар 41 жана 42 жаштагы жарандар экендиги аныкталды.

Окуя болгон жерге ӨКМнин куткаруучулары барып, курман болгондорду милиция кызматкерлерине өткөрүп берген.