Чоң-Фергана каналына түшүп кеткен жеңил унаа чыгарылды

Ноокен районундагы Чоң-Фергана каналына түшүп кеткен жеңил унааны чыгарышты. Бул тууралуу ӨКМдин басма сөз кызматы билдирди.  

Жалал-Абад облусунун Ноокен районунда 7-июнь күнү Бүргөндү айыл аймагынын Ношкен айылында Чоң-Фергана каналына “Honda Stream” үлгүсүндөгү жеңил унаа түшүп кеткен. Жабыркагандар жок. Унааны чыгарып берүүгө көмөк көрсөтүү максатында, КР ӨКМдин РӨКОнун Таш-Көмүр шаардык №2 өзүнчө издөө куткаруу отрядынын  куткаруучулары тартылып, суунун агымы катуу болгондугуна байланыштуу иш-чаралар саат 20:00дө убактылуу токтотулган. Бүгүн чыгаруу иштери жанданып, унаа суудан чыгарылып ээсине тапшырылды.