Чүйдө көлмөдөн белгисиз адамдын жансыз денеси табылды

Чүйдөгү 4-ГУРТ тилкесинен 45-50 жаштагы эркектин сөөгү табылды. Бул тууралуу ӨКМдин басма сөз кызматына таянып "Барометр" билдирет. 

"Чүй районунда 10-май күнү саат 16:20да Чүй айылынын 4-ГУРТ тилкесиндеги көлмөдө болжол менен 45-50 жаштагы белгисиз адамдын жансыз денеси табылган. 

Жерине  КР ӨКМнин №21 өрткө каршы куткаруу бөлүгүнүн  куткаруучулары тартылып, маркумдун жансыз денесин суудан чыгарып ИИМ кызматкерлерине өткөрүп беришкен",- деп айтылат маалыматта.