Чүй облусунун тургунунан үч жарым килограммдан ашуун “апийим” баңгизаты алынды

Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын Түштүк аймагы боюнча бөлүмүнүн кызматкерлери баңгизаттардын алып келүү жана сатуу каналдарын аныктоо жана бөгөт коюу боюнча атайын иш-аракеттер жүргүзүлдү.Бул тууралуу “Барометр” маалымдайт.

Анын жыйынтыгында, 18-сентябрга сотко чейинки өндүрүш ишинин алкагында, атайын тергөө амалдарынын жүргүзүү учурунда Чүй облусунун Аламүдүн районунда жайгашкан мейманканалардын биринде баңгизаттарды сатуу аракеттенген 1982-жылы туулган, М.А. аттуу жаран кармалган, ал жаранды жеке кароодо ийинге салып, аркага асынып жүрүүчү рюкзагында 3 жарым килограммдан ашуун баңгизаты аныкталып алынган.

Соттук-химиялык экспертизанын корутундусуна ылайык, жогоруда аныкталган баңгизаты 3 кг 688 грамм “апийим” болгондугу тастыкталган.

Кармалган М.А. аттуу жаран Жазык-процессуалдык кодексинин 98-беренесине ылайык Тергөө абагына кармоо бөгөт коюу чарасы колдонулган. Азыркы учурда, сотко чейинки өндүрүш иши жүргүзүлүп, аталган кылмышка катыштыгы бар болгон жарандарды аныктоо иш-чаралары жүргүзүлүүдө.