Чет элдик жаранды бычактап, Казакстанга качып кеткен шектүү кармалды

Ысык-Ата районунда чет элдик жаранга бычак менен кол салган шектүү кармалды. Бул тууралуу Чүй ОИИБдин маалымат кызматына шилтеме берип "Барометр" билдирет. 

Маалым болгондой, 3-сентябрь күнү Ысык-Ата аймактык ооруканага Россия мамлкетинин жараны 1998-жылы туулган А.В.  денесине бычак менен келтирилген жаракат алып түшкөн.

"Аталган окуя боюнча Ысык-Ата РИИБтин тергөө кызматында Кыргыз Республикасынын Кылмыш-жаза кодексинин 37-122-беренесинде (Адам өлтүрүүгө аракеттенүү) көрсөтүлгөн кылмыш курамы менен кылмыш иши козголгон.

Жүргүзүлгөн ыкчам-иликтөө иштеринин натыйжасында, бул кылмышты 1984-жылы туулган А.А. аттуу жаран жасаганы аныкталып, ал адам ошол окуя болгон күнү эле Казахстанга чыгып кеткени такталган. Издөө салынып, бөгөт коюу чарасы камакка алуу тандалган.

Ыкчам издөө иш-чаранын жүрүшүндө кылмышка шектүү А.А. жүргөн жери такталып, ал кармалып убактылуу кармоо жайына киргизилди.

Тергөө уланып жатат", -деп айтылат маалыматта.