Бюджеттик мекемеде иштегендерге ипотекалык насыянын үстөк пайызы төмөндөтүлдү

Турак жай сатып алуу үчүн берилүүчү ипотекалык насыянын үстөк пайызы бюджеттик мекемеде иштегендер үчүн 7-9%га чейин түштү. Бул тууралуу мамлекеттик ипотекалык компаниянын башчысы Бактыбек Шамкеев парламенттин бүгүнкү 27-февралдагы отурумунда билдирди.

«Ипотекалык насыяларды берүүнү үстөк пайызы төмөндөтүлдү. Буга чейин насыялар 10-12% менен берилип келген»,- дейт ал.

Вице-спикер Мирлан Бакиров буга чейин 10-12% менен ипотекага турак жай алгандар менен кайрадан эсептешүү жүргүзүлөөрүнө кызыкты.

Өз кезегинде Шамкеев бул багытта иштер жүрүп жатканын айтты.