Быйыл Орозо 13-апрелде башталат

Быйыл Орозо 13-апрелде башталат. Бул тууралуу Муфтияттын маалыматына шилтеме берип "Барометр" билдирет.

"Кыргызстан Мусулмандарынын Дин Башкармалыгы Аалымдар Кеңешинин №1 токтомунун негизинде 2021-жылдагы ыйык Орозо айынын биринчи күнү деп, 13-апрель белгиленгендигин жарыялайт", - деп айтылат маалыматта.

Ошондой эле, көрсөтүлгөн күн айдын чыгуусуна карап бир күнгө айырма болуусу мүмкүн экени айтылды.

Эскерте кетсек, былтыр Орозо 24-апрелде башталган.