БШК шайлоонун жыйынтыгын жокко чыгарды

Бүгүн, 6-октябрда Борбордук шайлоо комиссиясы Жогорку Кеңешке шайлоонун жыйынтыктарын жокко чыгарды. Бул тууралуу БШКнын мүчөсү Гүлнара Джурабаева билдирди.

"БШК добуш берүүнүн жыйынтыктарын жараксыз деп табуу жөнүндө чечим кабыл алды", - деп жазды ал социалдык тармактарга.

Конституцияга ылайык, БШК шайлоонун жыйынтыктарын жокко чыгаргандан кийин, Жогорку Кеңешке кайрадан шайлоо жарыялоого укуктуу.

Буга чейин, 5-октябрда парламентиик шайлоонун жыйынтыгына нааразы болгон партиялардын тарапташтары митинге чыгышкан. Мөөнөтсүз митинг баш аламандык менен коштолуп, 6-октябрда митингчилер парламент менен президент олтурган имаратты, УКМКны басып алышкан.