Бишкектеги имаратка Айсулуу Тыныбекованын сүрөтү тартылууда

Бишкектеги имарттардын биринде балбан кыз Айсулуу Тыныбекованын сүрөтү тартылган мурал (монументалдык живопистин бир түрү) жасалып жатат.Бул тууралуу Twitter булагына Чолпон @yellwbluegreen аттуу колдонуучу жарыялаганын “Барометр” маалымдайт.

Анын айтымында, учурда Токтогул жана Абдрахманов көчөлөрүнүн кесилишинде жайгашкан имаратка аталган сүрөт тартылууда.

Сүрөттү DOXA арт-клуб тартып жатат.

Эскерте кетсек, Айсулуу Тыныбекова Олимпиада оюндарында күмүш медалды жеңип алган.