Бишкектеги бассейндер текшерилип, айрымдары жабыла турган болду

Борбор калаадагы бассейндер текшерилип, айрымдарына эскертүүлөр берилди. Бул тууралуу Бишкек мэриясынын маалыматына шилтеме берип “Барометр” билдирет. 

Маалым болгондой, биринчи май районунда ири рейд өткөн. 

“Комиссия эртең мененки саат 9:00дөн кечке чейин өткөрүлүп,  11 суу объектиси: «Тартуга» эс алуу борборунун бассейндери, Патрис-Лулумба көч, №86 дарегиндеги «Асема»,  Түштүк-2, Раззаков көч,  №15,  Нарвская көч.,  №62, «Орион», «Шератон», «Парк Отель», «Плаза Отель» мейманканалары, Тюмен көчөсү жана БЧК кесилишиндеги «Сорока», «Блошка» суу сактагычтары текшерилди. Ошондой эле түшүндүрүү иштери жүргүзүлдү.

Жыйынтыгында коопсуздук эрежелерин бузгандыгы үчүн Түштүк-2 кичирайонундагы «Асема» бассейндерин жабуу маселеси каралат.

Ошону менен бирге, ӨКМ билдиргендей, квалификациясын жогорулатуу максатында суу объектилеринде иштеген 9 кызматкер суучул куткаруучу адистиги боюнча окутулат.

Белгилей кетсек, текшерүүлөр КР Өкмөтүнүн “Кыргыз Республикасынын суу объекттеринде адам өмүрүн коргоонун эрежелери” токтомунун алкагында жүргүзүлүүдө.

Урматтуу ата-энелер, балдарды кароосуз калтырбагыла”, -деп жазылат билдирүүдө.