Таласта "Альянс Алтын" өнүктүрүү фондунун жардамы менен басейн оңдолду
“Альянс Алтын” өнүктүрүү фонду Талас шаарындагы мурда эскилиги жеткен Талас сүт ишканасына таандык бассейнди толук реконструкциядан өткөрүп, заманбап талаптарга ылайык оңдоп-түзөөдөн өткөрүүгө колдоо көрсөткөн.
Бул бассейн — Талас облусу боюнча сууда сүзүү спорту менен машыгууга мүмкүнчүлүк түзгөн жалгыз спорттук жай. Акыркы жылдары сууда сүзүүгө кызыккан жаштардын саны кескин көбөйүп, спорттун бул түрүнө болгон суроо-талап өсүп келе жатат. Бассейндин ишке берилүүсү менен Таластын жүздөгөн жаштары профессионалдуу машыгууга шарт алышууда.
Бассейнди иштетип, жетекчиликке алган суучул жана машыктыруучу Бактияр Молдокулов жаштарды спортко тартуу жана үйрөтүү багытында машыктырып келет.
Мындан сырткары, социалдык келишимдин негизинде 15 баланы акысыз окутуп, аз камсыз болгон үй-бүлөлөрдүн балдарына спортко жол ачууда. Бул демилге Таластагы жаштардын ден соолугун чыңдоого, бош убакытты пайдалуу өткөрүүгө жана келечектеги чемпиондорду даярдоого чоң салым кошот.
Ссылка: https://barometr.kg/talasta-alyans-altyn-nktr-fondunun-zhardamy-menen-basejn-odoldu

Добавить комментарий ×