Бишкекте желимдөөчү жай өрттөндү

Бишкекте унаалардын дөңгөлөктөрүн желимдөөчү жай өрттөнүп, 2 жигит жаракат алды. Бул тууралуу ӨКМнын басма сөз кызматы билдирди.

Маалыматка ылайык өрт Бишкек шаарынын Лев Толстой көчөсүндө жайгашкан желидөөчү жайдан болгон. Желимдөөчү жайдын 20 чарчы метр бөлмөсү, 15 дөңгөлөк, 2 матрац жана 2 жаран күйгөн. Өрттүн кесепетинен 1996-жылы туулган К.Э менен 1999-жылы туулган Ш.Ю. 1-даражадагы күйүк алган.

Өрттүн чыгышына тиричилик электр шаймандарын колдонуудагы эреженин сакталбаганы себеп болгондугу айтылууда.