Бишкекте жөө жүргүнчүнү сүзүп качып кеткен айдоочу кармалды

Бишкекте шаардын тургунун унаа менен койдуруп, өзү изин жашырып кеткен Mazda унаасынын айдоочу кармалды. Бул тууралуу Бишкектин Патрулдук милиция кызматы башкармалыгынан кабарлашканын “Барометр” маалымдайт.

Аталган маалыматка таянсак, 1-ноябрда саат 02.00дө Осмонкул жана Эстонская көчөлөрүнүн кесилишинде айдоочу 51 жаштагы жаранды унаасы менен койдуруп кеткен. Жабырлануучу ар кандай жаракаттар менен ооруканага жеткирилген. Айдоочу окуя болгон жерден качып кеткен.

Патрулдук милиция кызматы башкармалыгынын кызматкерлери 59 жаштагы Mazda унаасынын айдоочусун кармашты.

Сотко чейинки өндүрүш башталды.