Бишкектеги турак үйдү суу каптады (Сүрөт)

Бишкекте катуу жааган жамгырдан улам турак үйдүн короосун суу каптады. Бул тууралуу ӨКМдин басма сөз кызматына таянып "Барометр" билдирет.

Бишкек шаарынын Ленин районуунда  кечээ, 24-июлда саат 17:40 чамасында кыска мөөнөттө жааган жаандын кесепетинен Кривоносов көчөсүндө жайгашкан үйдүн короосун суу каптаган.

"Жерине Бишкек шаардык куткаруу кызматынан 5 куткаруучу тартылып, мотопомпа менен сууну сордуруп беришкен", - деп айтылат маалыматта.

Эскерте кетсек, буга чейин Кыргызгидромет туруксуз аба-ырайы тууралуу шашылыш эскертүү таркаткан.