Бишкекте СССРди эске салган көргөзмө болот

Бишкекте 28-августта Гапар Айтиев атындагы Кыргыз улуттук көркөм өнөр музейинде «Тынчтыкта жана ынтымыкта. СССР искусствосу» деген сүрөт көргөзмөсү ачылат.

Музейдин маалыматына ылайык, Кыргызстандын эгемендигинин 28 жылдыгына карата уюштурулуп жаткан маданий иш-чара 1930-1990-жылдардагы сүрөтчүлүк өнөрүнө багышталат.

Ага СССРдин курамына кирген 15 мамлекеттин ичинен Түркмөнстандан башка өлкөлөрдөн сүрөтчүлөрдүн эмгектери коюлат.