Бишкекте карызын төкпөгөн 8 миң абонент жарыксыз калат

Бишкекте карыздан улам 8 миң абоненттин жарыгы өчүрүлөт. Бул тууралуу “Түндүк электр” ачык акционердик коомунун басма сөз кызматы кабарлады.

29-мартта “Түндүк электр” ишканасынын автоматташтырылган маалыматтык-өлчөөчү көзөмөл жана электр энергиясын каттоо системасы өз маалында электрге акча төкпөгөн 8 миң абоненттин жарыгын өчүрөт. Керектөөчүлөр компанияга 12,5 миллион сом карыз болушкан.

Жумуш эмес күндөрдө ыңгайсыздыктар пайда болбош үчүн “Түндүк электр” абоненттерге электр жарыгынын акчасын өз маалында төгүүнү сунуштайт.