Бишкекте бүгүн эртең менен болгон кырсыктан 3 адам жабыркады

Бишкекте бүгүн, 8-сентябрда эртең менен болгон жол кырсыгынан үч адам жабыркады. Бул тууралуу Өзгөчө кырдаалдар министрлигинин басма сөз кызматына шилтеме кылуу менен “Барометр” кабарлайт.

Аталган кабарга таянсак, «Мерседес» жана «Хонда Фит» унаалары кагылышкан.

Кырсыктан улам 1973-жылы туулган эркек, 2000-жылы туулган жигит жана 2007-жылы туулган кыз жаракат алышты.

Окуя болгон жерге Бишкек шаарынын куткаруу кызматынан 5 куткаруучу барды. Жабыркагандар тез жардамдын дарыгерлерине тапшырылды.