Бишкекте аял айдоочу жөө адамды коюп кетти

Бүгүн, 25-февралда, Toyota Highlander үлгүсүндөгү автоунааны айдап бараткан аял жөө адамды коюп кетти.

Милициянын патрулдук кызмат башкармалыгынан кабарлашкандай, 1960-жылы туулган Т.А. аттуу аял Жаманбаев менен Худайбергенов көчөлөрүнүн кесилишинен 1984-жылы туулган А.А. аттуу аялды коюп кеткен.

Жабыркаган аял ооруканага жеткирилип, анын таманы сынып, бутунун сөөктөрүнөн жарака кеткени белгилүү болгон.

Экспертиза дайындалып, тергөө амалдары жүрүп жатат.