Бишкекте №5, 11, 14 троллейбустар убактылуу токтоду

Борбор калаадагы №5, 11 жана 14 троллейбустарынын кыймылы жол кырсыгынан улам убактылуу токтотулду. Бул тууралуу Мэриянын маалымат кызматына таянып «Барометр» билдирет.

Ага ылайык, бүгүн эртең менен Манас проспектинде жол кырсыгы катталып, анда такси айдоочусу троллейбустун түркүгүн сүзүп кеткен.

Учурда линиялар калыбына келтирилгени менен түркүк жолдон алына элек. Ошондуктан троллейбустардын түндүк багыттагы кыймылы убактылуу токтотулган.