Бишкек шаарынын мэрин шайлоо өтүп жатат

Бишкек шаардык кеңешинин депутаттары калаа башчысын шайлоо үчүн сессияга чогулушту. Бул тууралуу “Барометр” маалымдайт.

Аталган кызматка жалгыз талапкер болуп Айбек Джунушалиев катталган.

Ал министрлер кабинетинин башчысы Улукбек Марипов жана көпчүлүк коалиция тарабынан сунушталган. Депутаттар эсептөө комиссиясын түзүштү. Добуш берүү жашыруун өткөрүлөт.

Бишкек шаарынын мэрлигине талапкер катары Айбек Джунушалиев документ тапшырган болчу, ал 12-августта мэрдин милдетин аткаруучу болуп дайындалган.