Бишкек-Ош унаа жолуна таш түшүп, кыймыл бир тараптуу гана ачылды

Бишкек-Ош унаа жолуна таш түшүп, жол жабылып калды. Бул тууралуу ӨКМнын маалыматына таянып “Барометр” билдирет. 

Маалым болгондой, Бишкек—Ош унаа жолунун 425-чакырымында болжол менен 50 куб/метр таш кулап, жолду эки тараптуу жаап калган.

“Жерине Кара-Көл шаардык  №94 ӨККБдөн АСМ автоунаасында 3 куткаруучу жана  №30 ЖТИден 2 оор техника, облустук ЖКККБдан  1 экипаж тартылып, аталган жол саат 15:13тө бир тараптуу ачылды.

Учурда тазалоо жумуштары уланууда.

Буга байланыштуу Өзгөчө кырдаалдар министрлиги алыскы жолго чыккан айдоочуларга унаалардын ортосунда 500 метр аралык сакталышы зарыл экендигин эскертет”, -деп айтылат маалыматта.