Бишкек-Нарын-Торугарт унаа жолунда авариядан 4 киши жабыркап, 1 киши каза болду

Бүгүн, 2-июнга караган түндө Бишкек-Нарын-Торугарт унаа жолунда адам өмүрүн алган жол кырсыгы катталды. Бул тууралуу ӨКМнын басма сөз кызматына шилтеме берип “Барометр” билдирет.

“Бишкек-Нарын-Торугарт унаа жолунун 114 чакырымында Honda Stepwgn үлгүсүндөгү унаанын айдочусу, рулга ээ боло албай жолдон чыгып кеткен. Натыйжада 4 эркек киши жабыркап,1980-жылы туулган эркек киши каза болгон.

Жерине 4 кутаруучу тартылып, каза болгон жарандын жансыз денесин унаадан чыгарып ИИМ кызматкерлерине өткөрүп беришкен”, - деп айтылат маалыматта.

Жабыркагандар тез жардам кызматы менен райондук орууканага жеткирилген.